Oktyabrın 21-də Bakıda voleybol məşqçilərinin seminarı keçiriləcək. Azərbaycan Voleybol Federasiyasının (AVF) mətbuat xidmətindən Sportnet.az-a verilən məlumata görə, seminarda iştirak edəcək şəxslər sonda Beynəlxalq Voleybol Federasiyasının (FİVB) "I dərəcəli” məşqçi sertifikatı əldə edəcəklər.
Seminar Milli Olimpiya Komitəsi və AVF-nin birgə əməkdaşlığı ilə keçirilir. Milli federasiya seminarın keçirilməsinə texniki dəstək verir.
FİVB-in göndərdiyi türkiyəli mütəxəssis Nejat Sancakın rəhbərliyi altında təşkil olunmuş seminarda 31-dək məşqçinin iştirakı gözlənilir.
