"Azərreyl" Voleybol Klubunda prezident dəyişikliyi baş verib.
Sportnet.az-ın məlumatına görə, klubun prezidenti Elşən Əfəndiyev vəzifəsindən azad edilib. Onu Fərid Xəlilov əvəzləyib.
Fərid Nadir oğlu Xəlilov 24 may 1983-cü ildə Bakı şəhərində anadan olub. 2000 - 2004-cü illərdə bakalavr, 2005-2007-ci illərdə isə magistratura üzrə təhsilini Azərbaycan Dövlət İqtisad Universitetində alıb. "Bakı 2015" I Avropa Oyunlarında Maliyyə Departamentinin rəhbəri vəzifəsində çalışıb.
Daha sonra isə "Formula 1" üzrə Azərbaycan Qran-prisində Kommersiya Departamentinin, "Unibank"da Maliyyə Planlaşdırma Departamentinin və "PDM Group Holding"də İnkişaf üzrə rəhbər vəzifələrində çalışıb.
