Voleybolçu qadınlardan ibarət Azərbaycan milli komandasının Hollandiyanın Apeldorn şəhərində keçiriləcək Tokio-2020 Yay Olimpiya Oyunlarına lisenziya xarakterli Avropa Təsnifat Turniri üçün yekun heyəti açıqlanıb.
Sportnet.az xəbər verir ki, baş məşqçi Vasif Talıbov 13 voleybolçuya güvənəcək
Məşqçilər Famil Ağayev və Eldar Yusubovun rəhbərliyi altında aşağıdakı oyunçular çıxış edəcəklər:
Anastasiya Qurbanova
Nelli Salbişvilli
Ayşən Abdulazimova
Yelazaveta Samadova
Nikalina Başnakova
Krstina Yagubova
Yuliya Kərimova
Polina Rəhimova
Şəfaqət Alışanova
Bəyaz Aliyeva
Marqarita Əzizova
Kseniya Pavlenko
Maryia Kyrilyuk
Qeyd edək ki, Avropa Olimpiya Təsnifat Turniri 7 - 12 yanvarda keçiriləcək. A qrupunda yer alan Azərbaycan millisi mübarizəyə ev sahibləri ilə başlayacaq. Ardınca Bolqarıstanla qarşılaşacaq yığma son matçda Polşa ilə üz-üzə gələcək. Digər qrupda isə Almaniya, Türkiyə, Xorvatiya və Belçika qüvvəsini sınayacaq. Yarışın qalibi Olimpiadaya lisenziya qazanacaq.
