Azərbaycan Voleybol Federasiyasının (AVF) baş katibi, Avropa Voleybol Konfederasiyasının (CEV) İdarə Heyətinin üzvü Cəlil Cəfərov kişi voleybolçular arasında keçiriləcək 2022-ci il dünya çempionatının püşkatma mərasimində iştirak edəcək.
Federasiyanın mətbuat xidmətindən Sportnet.az-a verilən məlumata görə, tədbir bu gün Rusiyanın paytaxtı Moskvada təşkil olunacaq. İrina Viner-Usmanova adına Gimnastika sarayında baş tutacaq tədbirdə Beynəlxalq Voleybol Federasiyasının (FİVB) prezidenti Ari Qraça, FİVB rəsmiləri, CEV idarə heyətinin üzvləri və digər qonaqlar iştirak edəcəklər.
24 komandanın mübarizə aparacağı çempionatın püşkatma mərasimində qruplar Rusiyanın əfsanəvi voleybolçuları Lyubov Sokolova və Taras Xtey-in köməyi ilə müəyyənləşəcək.
