Kişi voleybolçular arasında Azərbaycan Yüksək Liqasında III dövrəyə start verilib.
Sportnet.az-ın məlumatına görə, XIV tura təsadüf edən hər iki matç “Sərhədçi” İdman Olimpiya Mərkəzində baş tutub.
Günün ilk görüşündə "Murov"a MOİK-ə 3:0 (18:25, 23:25, 8:25) hesabı ilə qalib gəlib.
Digər qarşılaşmada isə "Sərhədçi" "Ekspress"i 3:1 (25:22, 27:25, 13:25, 25:23) hesabı ilə üstələyib. Bu, "Sərhədçi"nin cari mövsümdə ilk qələbəsi olub.
Qeyd edək ki, hazırda "Murov" 29 xalla turnir cədvəlinə başçılıq edir. Liderdən 1 xal geri qalan "Neftçi" 2-ci, 18 xalı olan MOİK 3-cü pillədə qərarlaşıb. "Ekspress" 6 xalla 4-cü, "Sərhədçi" isə 3 xalla sonuncu - 5-cidir.
