Kişi voleybolçular arasında Azərbaycan Yüksək Liqasında XVII turun oyunları keçirilib.
Sportnet.az-ın məlumatına görə, “Murov” voleybol klubunun idman zalında təşkil olunan matçlarda "Neftçi" "Sərhədçi"yə 3:1 (25:17, 25:27, 25:11, 25:13), MOİK isə “Ekspress”ə 3:0 (25:15, 25:20, 25:17) hesabı ilə qalib gəlib.
Bu nəticələrdən sonra xallarını 33-ə çatdıran "ağ-qaralar" lider "Murov"la xal fərqini 2-yə endirib. MOİK 25 xalla 3-cü, "Ekspress" 6 xalla 4-cü pillədə qərarlaşıb. 3 xalı olan "Sərhədçi" isə sonuncudur.
