Azərbaycanın ilk peşəkar kontinental velosiped komandası "Synergy Baku” "Tour of Slovenia” yürüşünə qatılacaq. Velosiped İdmanı Federasiyasının mətbuat xidmətindən Sportnet.az-a verilən məlumata görə, Beynəlxalq Velosipedçilər İttifaqının iyunun 19-da start götürəcək 2.1 kateqoriyalı yarışında 8 velosipedçimiz çıxış edəcək.
Məşqçilər korpusu Sloveniya turunda Azərbaycanın U-23 milli komandasının üzvləri Tural İsgəndərov və Samir Cəbrayılova, eləcə də Maksim Averin, Metyu Bremmier, Markus Eybeger, Konnor MakKonvey, Yan Sokol və Aleksandr Surutkoviçə iştirak imkanı yaradıb. 4 mərhələdən ibarət yarışda iştirakçılar ümumilikdə 514 km məsafə qət edəcəklər.
Diqqət çəkən məqam "Tour of Slovenia”da 4 Pro-Tur komandasının da iştirak etməsidir. Bunlar "Cannondale”, "Orica-GreenEdge”, "Katusha” və "Lampre-Merida” kollektivləridir. Adları çəkilən klubların üzvləri planetin ən nüfuzlu velosiped yarışı sayılan ”Tour de France”da da iştirak edəcəklər.
Sevinc XANQIZI
