Portuqaliya "Portu"suna keçən İspaniyanın "Real Madrid" klubunun sabiq qapışısı İker Kasilyas "Santyaqo Bernabeu" stadionunda vida mətbuat konfransını keçirib. Sportnet.az-ın məlumatına görə, jurnalistlər qarşısında o, sözə başlayarkən kövrəlib və göz yaşlarını saxlaya bilməyib.
Həmkarlarımız isə 35 yaşlı qolkiperi alqışlayıblar. Kasilyas "kral klubu"nu birdəfəlik tərk etmədiyini və yenidən "Santyaqo Bernabeu"da hamı ilə görüşəcəyini bildirib.
Qeyd edək ki, İker Kasilyas "Real Madrid"də çıxış etdiyi 16 il ərzində 5 dəfə ölkə çempionluğu, 2 ölkə kuboku, 4 Superkubok, 3 dəfə Çempionlar Liqası və 2 UEFA Super Kuboku qazanıb.
