Serbiyanın "Voyvodina" klubunun futbolçusu Oqnyon Ojeqoviç növbəti gözəl qolu ilə gündəmə gəlib. Sportnet.az-ın məlumatına görə, 21 yaşlı hücumçu "Yavor"la ölkə çempionatı matçında ona ötürülən topu saxlamadan başı üzərindən tora göndərib.
Bu, son 10 ildə Serbiya futbolunun ən gözəl qolu sayılıb.
Qeyd edək ki, Oqnyon Ojeqoviç peşəkar karyerasına "Srvena Zvezda"da başlayıb. Onu əsas komandaya həmin vaxt "ulduzlar"a rəhbərlik edən Azərbaycan millisinin sabiq baş məşqçisi Robert Prosineçki cəlb edib. Amma Prosineçkinin komandadan ayrılması və hücum xəttindəki güclü rəqabət üzündən Ojeqoviç əsas heyətdə möhkəmlənə bilməyib.
