Litvada velosiped idmanının trek növü üzrə "Panevejis-2014” yarışı start götürüb. Sportnet.az-ın məlumatına görə, Beynəlxalq Velosipedçilər İttifaqının I kateqoriyalı yürüşünün ilk günü Azərbaycan yığma komandası üçün bir medalla yadda qalıb.
Kişilər arasında 200 metr məsafəyə sprint yarışında mübarizə aparan idmançımız Sergey Omelçenko təsnifat və 1/4 final yürüşlərini uğurla dəf edərək yarımfinala yüksəlib. Yarışın bu mərhələsində yerli velosipedçiyə uduzan təmsilçimiz bürünc medal uğrunda Ukrayna nümayəndəsi ilə mübarizə aparıb. Reqlamentə görə, 2 qələbəyədək davam edən sprint yürüşü Omelçenkonun üstünlüyü ilə keçib və o, fəxri kürsünün üçüncü pilləsinə qalxmaqla yığma komandamıza ilk medal qazandırıb. Bu, həm də velosipedçimizin aktivinə 64 reytinq balı gətirib.
Qadınların 20 km məsafəyə yürüşündə isə yığmamızın bir üzvü çıxış edib. Yelena Pavluxina mübarizəyə yaxşı başlamaqla bir neçə dövrə liderlər qrupunda qərarlaşsa da, yekunda 6-cı yeri tutub və bununla da reytinqini 40 xalla zənginləşdirib.
Qeyd edək ki, "Panevejis-2014”ə avqustun 3-də yekun vurulacaq.
Qeyd edək ki, "Panevejis-2014”ə avqustun 3-də yekun vurulacaq.
