İspaniyanın "Barselona" klubunun hucümçusu Lionel Messi Hollandiya "Ayaks"ı ilə Çempionlar Liqası matçından sonra açıqlama verib. Sportnet.az-ın məlumatına görə, argentinalı hücumçu baş məşqçi Luis Enrikenin qərarı əleyhinə getməyəcəyini bildirib.
Baş məşqçinin istənilən vaxt futbolçunu əvəzləmək iqtidarında olduğunu deyən Messi fikrini belə davam etdirib: "Mənim oyundan çıxmaq istəmədiyim barədə çox danışdılar. Amma baş məşqçimiz Luis Enrikedir və nə zaman istəsə, məni əvəz edə bilər".
Qeyd edək ki, Lionel Messi "Barselona"nın 3:1 hesabı ilə qalib gəldiyi "Ayaks"la görüşdə 1 qol vurub və ikinci hissədə əvəzlənib.
