Azərbaycan şahmatçısı Günay Məmmədzadə 14 yaşında qadınlar arasında beynəlxalq qrossmeyster adına layiq görülüb. Sportnet.az-ın məlumatına görə, bu barədə Beynəlxalq Şahmat Federasiyasının (FİDE) Rusiyanın Soçi şəhərində keçirilən Prezident Şurasının iclasında qərar qəbul edilib.
Bununla da Məmmədzadə Azərbaycanın şahmat tarixində qadınlar arasında ən gənc qrossmeyster olub.
Qeyd edək ki, Məmmədzadə Günay Vüqar qızı 2000-ci ildə Bakı şəhərində anadan olub. 2005-ci ildən şahmatla məşğul olur. O, azyaşlılar arasında dünya çempionatında dəfələrlə qalib və mükafatçı olub. Məmmədzadə bir neçə nüfuzlu turnirdə də fərqlənməyi bacarıb.
