Azərbaycanın məşhur K-1 döyüşçüsü Zabit Səmədov ötən gün Türkiyə peşəkar rinqinin əsas döyüşünə çıxıb. Türkiyəli idmançı Mert Akın ilə qarşılaşan idmançımız "Sinan Erdem" arenasını qələbə ilə tərk edib.
Qarşılaşmanın birinci raundu fəal keçib. Hər iki idmançı ilk dəqiqələrdən qələbəyə istəkli olduğunu nümayiş etdirib. İkinci raund ilk hissəyə nisbətən bir qədər zəif təsir bağışlayıb. Görüşün taleyinə aydınlıq gətirəcək üçüncü raund da sönük keçib. Nokaut qeydə alınmayan 3 dəqiqənin sonunda qarşılaşmanın qalibi hakimlərin ortaq qərarı ilə Zabit Səmədov olub.
Döyüşü 15 min tamaşaçı seyr edib (Report.az).
