"Əsas olan qələbə qazanmaq idi və biz buna nail olduq". Sportnet.az-ın "Report"a istinadən məlumatına görə, bunu jurnalistlərə açıqlamasında AFFA-nın prezidenti Rövnəq Abdullayev bildirib.
R.Abdullayev yığmamızın ölkə futbolu tarixində yeni baş məşqçi ilə ilk qələbəsini qazandığını vurğulayıb: "Azərbaycan futbolu tarixində ilk dəfə idi ki, yeni baş məşqçi ilk rəsmi oyununda qələbə qazanırdı. Malta zəif rəqib deyildi. Bu komanda digər rəqiblərdən xal qopara bilmişdi. Növbəti görüşlərdə milliyə uğurlar arzu edirəm".
Qeyd edək ki, millimiz AVRO-2016-nın seçmə qrup matçında Maltanı 2:0 hesabı ilə məğlub edərək, H qrupunda 3 xalla 5-ci pilləyə yüksəlib.
