Dağıstanlı idman jurnalisti Nəbi Ələkbərov 30 yaşında ikən avtomobil qəzasında dünyasını dəyişib. Sportnet.az-ın məlumatına görə, hadisə vaxtı Ələkbərov sərnişin oturacağında olub.
O, yerindəcə keçinib, avtomobildəki digər sərnişinlər isə xəstəxanaya çatdırılıblar.
Qeyd edək ki, Nəbi Ələkbərov "NTV Plyus" telekanalının xüsusi müxbiri kimi "Anji"nin ev oyunlarında iş başında olub. Son zamanlar Ələkbərov "Dagestanskaya Pravda" qəzetində və "Anji" televiziyasının bir sıra layihələrində çalışıb.
