Rio-de-Janeyroda keçirilən XXXI Yay Olimpiya Oyunları Türkiyə qadın basketbolçuları üçün uğurlu başlamayıb. Sportnet.az-ın məlumatına görə, avqustun 8-də Avstraliya ilə matça çıxacaq komandanı arenaya gətirən avtobus yolunu azıb.
Sürücünün yolu tanımaması sayəsində komanda Atletlər kəndindən 20 dəqiqəlik məsafədə yerləşən arenaya 1.5 saata çatıb. Nəticədə türkiyəli basketbolçular heç bir hazırlıq, isinmə olmadan birbaşa oyuna çıxıblar.
Qarşılaşma Avstraliyanın 61-56 hesablı qələbəsi ilə yekunlaşıb.
Qeyd edək ki, Türkiyə basketbolçuları növbəti oyununu Yaponiyaya qarşı keçirəcək. Matç avqustun bu gecə Bakı vaxtı ilə saat 00:45-də başlayacaq.
