“Ferrari”nin britaniyalı pilotu Luis Həmilton “Formula-1” avtomobil yarışları üzrə dünya çempionatının ikinci mərhələsi – Çin Qran-prisinin sprint yarışının qalibi olub.
Sportnet.az xəbər verir ki, yarışlar Şanxayda keçirilir.
İkinci yeri “McLaren”in avstraliyalı pilotu Oskar Piastri tutub. Üçüncü yeri “Red Bull” komandasından niderlandlı Maks Ferstappen qazanıb.
“Formula-1”də sprint yarışları 2021-ci ildən keçirilir. Sprintdə qalib gələn pilot çempionatın ümumi hesabına 8 xal qazanır. Həmilton belə bir yarışı ilk dəfə qazanıb. Britaniyalı sprint yarışını qazanan ilk “Ferrari” pilotu olub.
Həmiltonun 40 yaşı var, o, “Formula”1-in yeddiqat çempionudur. Britaniyalı pilot “Ferrari” komandasında ikinci Qran-prisini keçirir. 2013-cü ildən pilot “Mercedes”də, 2007-2012-ci illərdə isə “McLaren”də çıxış edib.
Yarışın sıralama turu bu gün keçiriləcək və Bakı vaxtı ilə saat 11:00-da başlanacaq. Yarış bazar günü saat 11:00 start götürəcək.
