"Azərbaycan haqqında çox az məlumatım var. Bildiyimə görə Bakı, Xəzər dənizi sahilində yerləşir. Bu qədər! Səbirsizliklə Bakı səfərimizi gözləyirəm". Sportnet.az-ın məlumatına görə, bunu Bakıda keçiriləcək Formula 1 üzrə Avropa Qran-prisinin iştirakçısı "Scuderia Ferrari" komandasının pilotu Sebastian Fettel deyib.
29 yaşlı pilot Bakı Şəhər Halqası haqda maraqlı fikirlər eşitdiyini, tarixi yerlərin, ensiz döngələrin olmasından xəbərdarlığını bildirib: "Şəhər treklərinə hər zaman pərəstiş edirəm. Adətən, çox çətin keçilir, təpəli və ensiz küçələri olur. Ümid edirəm ki, Bakı treki bizim gözləntilərimizi doğruldacaq və şəhər trekləri arasında öz yerini tutacaq"
Qeyd edək ki, Avropa Qran Prisi 17 - 19 iyunda keçiriləcək.
