Fransada keçirdiyi ağır xizək qəzası nəticəsində uzun müddətdir koma vəziyyətində olan "Formula-1” üzrə keçmiş dünya çempionu Mixael Şumaxer Qrenobl Hospitalından evə göndərilib. Sportnet.az-ın məlumatına görə, almaniyalı pilotun sözçüsü yazılı açıqlamasında məşhur idmançının komadan çıxdığını bildirib.
O, avtopilotun müalicəsində əziyyəti olan xəstəxana heyətinə və qəzadan sonra dərhal müdaxilə edən ilk tibbi yardım komandasına təşəkkür edib.
Qeyd edək ki, almaniyalı Mixael Şumaxer Alp dağlarında xizəklə sürüşərkən, yıxılıb və başı qayaya dəyib. Nəticədə, o, ağır vəziyyətdə Qrenobl xəstəxanasına çatdırılıb. Şumaxer uzun müddət koma vəziyyətində olub.
