Azərbaycan milli komandasının və "Qəbələ” İdman Klubunun karateçisi Rafael Ağayev növbəti uğuruna imza atıb.
Sportnet.az-ın klubun rəsmi saytına istinadən məlumatına görə, Ağayev Birləşmiş Ərəb Əmirliklərinin Dubay şəhərində keçirilən mötəbər Karate 1 Premyer Liqa turnirində qızıl medal qazanıb. 75 kq çəki dərəcəsində çıxış edən təcrübəli karateçi bütün rəqiblərinə qalib gəlib. O, finalda macarıstanlı Qabor Harspatakini yenib.
Qeyd edək ki, 2018-ci il mövsümünün yeddi analoji turnirindən ikincisi olan Dubay mərhələsinə 74 ölkədən 626 idmançı qatılıb.
