Azərbaycanın və "Qəbələ” İdman Klubunun MMA döyüşçüsü Nəriman Abbasov növbəti qələbəsini qazanıb.
Sportnet.az-ın klubun saytına istinadən verdiyi məlumata görə, 24 yaşlı idmançı "Fight Night Global 90” çərçivəsinə qüvvəsini sınayıb.
Təmsilçimiz Rusiyanın paytaxtı Moskvadakı "MOİK Arena”da keçirilən yarışda Mixail Qoqitidze ilə üz-üzə gəlib. Yüngül çəki dərəcəsində baş tutan döyüş Abbasovun rusiyalı rəqibi üzərində qələbəsi ilə başa çatıb.
Bu, Nərimanın karyerasında 23-cü qələbə olub. İndiyədək 27 döyüş keçirən idmançımız yalnız 4 dəfə məğlubiyyətlə üzləşib.
