Azərbaycan güləşçisi Elmira Qəmbərova İtaliyanın Sassari şəhərində keçirilən Matteo Pelikone Memorialında gümüş medal qazanıb.
Sportnet.az-ın məlumatına görə, 62 kq çəki dərəcəsində mübarizə aparan idmançı finalda İsveç təmsilçisi Henna Yohansona uduzub.
O, həlledici qarşılaşmada rəqibinə 4:6 hesabı ilə məğlub olub.
-------------------------------
Azərbaycan güləşçisi Elmira Qəmbərova İtaliyanın Sassari şəhərində keçirilən Matteo Pelikone Memorialında finala yüksəlib.
Sportnet.az-ın məlumatına görə, 62 kq çəki dərəcəsində mübarizə aparan idmançı yarımfinalda İsveç idmançısı Malin Yohanna Matsonu 7:4 hesabı ilə üstələyib. O, finalda Mallari Velte (ABŞ) - Henna Yohanson (İsveç) cütünün qalibi ilə qarşılaşacaq.
Bu çəkidə mübarizə aparan Elis Manolova və Tatyana Omelçenko 1/8 finalda uduzaraq mübarizəni dayandırıblar. 57 kq çəki dərəcəsindəki Alyona Kolesnik də 1/8 finalda uduzaraq medalsız qalıb.
Qeyd edək ki, final görüşləri bu gün axşam saatlarında təşkil olunacaq.
