"Xəzər Lənkəran" və "Nar mobile" arasında mövcud olan əməkdaşlıq çərçivəsində növbəti layihəyə start verilib. Sportnet.az-ın klubun rəsmi saytına istinadən məlumatına görə, bugündən etibarən həftə ərzində Lənkəran şəhəri, "Nar” Satış mərkəzində şəhər sakinləri xüsusi güzəştli kampaniya çərçivəsində nömrə almaq imkanı əldə edəcəklər.
Müştərilərə kampaniyanın şərtləri haqqında ətraflı məlumat vermək öhdəliyi isə "Xəzər Lənkəran"ın futbolçularının üzərinə düşür. Futbolçularımız Kamran Abdullazadə, Elvin Mirzəyev, Elşən Rzazadə və Adrian Skarlatakenin iştirakı ilə keçən aksiyanın ilk günündən bir neçə kadrı diqqətinizə çatdırırıq. Növbəti günlərdə digər futbolçular da aksiyada iştirak edəcəklər.
