"Zirə"nin müdafiəçisi Anqe Mutsinzinin şərəfini qoruduğu Ruanda millisi Afrika Millətlər Kubokunun seçmə mərhələsinin VI turunda səfərdə Nigeriya ilə qarşılaşıb.
Sportnet.az xəbər verir ki, görüş qonaqların 2:1 hesablı qələbəsi ilə başa çatıb. Mutsinzi meydana start heyətində çıxıb və sonadək oynayıb. O, 72-ci dəqiqədə komandasının bərabəlik qolunu vurub.
Altı oyundan sonra 8 xal toplayan Ruanda 3-cü pillədə qərarlaşır. 11 xalla lider olan Nigeriya isə ötən tur pley-offa vəsiqəni təmin edib.
Qeyd edək ki, bu matçda Nigeriya millisinin heyətində müqavilə ilə "Napoli"yə məxsus olan və hazırda "Qalatasaray"ın formasını geyinən Viktor Osimhen də meydana çıxıb. O, 77-ci dəqiqədə oyuna qoşulub.
