Misli Premyer Liqasında XIV turun növbəti oyunu keçirilib.
Sportnet.az xəbər verir ki, “Qarabağ” “ASCO Arena”da “Səbail”lə qarşılaşıb. Görüş qonaqların 3:0 hesablı qələbəsi ilə başa çatıb. Qolları Juninyo, Aleksey Kaşuk və Leandro Andrade vurublar.
Bu qələbə ilə xallarını 34-ə çatdıran Ağdam təmsilçisi yenidən liderliyi ələ keçirib. Bakı klubu isə 8 xalla 9-cu pillədə qalıb.
Günün digər matçı “Neftçi” və “Zirə” arasında oynanılacaq. “Neftçi Arena”dakı qarşılaşma saat 19:00-da başlayacaq.
Qeyd edək ki, XIV turun açılış oyununda "Araz-Naxçıvan" "Kəpəz"ə 2:0 hesabı ilə qalib gəlib. Tura noyabrın 24-də keçiriləcək 2 oyunla yekun vurulacaq.
Misli Premyer Liqası
XIV tur
23 noyabr (şənbə)
17:00. “Səbail” – “Qarabağ” - 0:3
Qollar: Olavio Juninyo, 47. Aleksey Kaşuk, 66. Leandro Andrade, 89
