Misli Premyer Liqasında XV tura yekun vurulub.
Sportnet.az-ın məlumatına görə, bağlanış oyunu "Neftçi" və "Qarabağ" komandalaı arasında keçirilib.
"Neftçi Arena"da oynanılan görüş Ağdam klubunun inamlı qələbəsi ilə yekunlaşıb - 3:0. Hesabı 27-ci dəqiqədə Leandro Andrade açıb. Digər qollar ikinci hissədə vurulub. Nəriman Axundzadə 53-cü dəqiqədə fərqlənib. Matçda son nöqtəni də Andrade qoyub. 56-cı dəqiqədə meydan sahiblərinin qapısına ikinci dəfə yol tapan kabo verdeli yarımmüdafiəçi yekun hesabı müəyyənləşdirib.
Rəqiblərindən bir oyun az keçirən "Qarabağ" bu qələbədən sonra xallarını 37-yə çatdıraraq liderliyə yüksəlib. "Neftçi" isə 13 xalla 8-ci sırada qalıb.
Misli Premyer Liqası
II dövrə, XV tur
1 dekabr
19:00. “Neftçi” – “Qarabağ” - 0:3
Qollar: Leandro Andrade, 27; 56. Nəriman Axundzadə, 53
Hakimlər: Əliyar Ağayev, Zeynal Zeynalov, Akif Əmirəli, Elçin Məsiyev.
VAR: Kamal Umudlu.
AVAR: Elşad Abdullayev.
Hakim-inspektor: Asim Xudiyev.
"Neftçi Arena"
Qeyd edək ki, turun əvvəlki matçlarında "Araz-Naxçıvan" "Turan Tovuz"u, "Sabah" "Səbail"i, "Kəpəz" "Şamaxı"nı (hər üçü 1:0), "Zirə" isə "Sumqayıt"ı məğlub (4:1) edib.
