Neftçi” Azərbaycan Kubokunun “Sabah”la ilk yarımfinal oyununa itkilərlə çıxacaq.
Paytaxt klubundan Sportnet.az-a verilən məlumata görə, Basalla Sambu vacib oyunu buraxacaq. Seneqal əsilli ingiltərəli forvard cəzalı durumdadır.
Heyətin bir neçə aparıcı üzvü zədəlidir. Müalicəsi davam edən ukraynalı yarımmüdafiəçi Andrey Ştoqrin də “Sabah”la matçda meydana çıxamayacaq.
Kapitan Emin Mahmudovla ispaniyalı yarımmüdafiəçi Mustafa Sek fərdi məşqlərə başlayıblar. Amma onların meydana çıxıb-çıxmayacaqları sual altındadır.
Qeyd edək ki, FİFA referisi Əliyar Ağayevin idarə edəcəyi “Neftçi” – “Sabah” qarşılaşması bu gün saat 19:30-da start götürəcək.
