Azərbaycan Premyer Liqasında XXXII turun növbəti oyununda "Səbail" və "Araz-Naxçıvan" komandaları arasında keçirilib.
Sportnet.az xəbər verir ki, "ASCO Arena"da təşkil olunmuş qarşılaşmada qalib müəyyənləşməyib - 1:1.
Hesabı 30-cu dəqiqədə Naxçıvan komandasının hücumçusu Ülvi İsgəndərov açıb. Lakin 76-cı dəqiqədə Marko Nikoliç paytaxt təmsilçisinin bərabərlik qolunu vurmağa müvəffəq olub.
Bu nəticədən sonra "Araz-Naxçıvan" 54 xalla 3-cü, "Səbail" 21 xalla sonuncu - 10-cu pillədə yer alıb.
Qeyd edək ki, turun əvvəlki qarşılaşmalarında "Turan Tovuz" evdə "Şamaxı" ilə 1:1 hesablı heç-heçə edib, "Kəpəz" isə "Zirə"yə uduzub - 0:1.
Bu gün saat 20:00-da "Sabah" - "Qarabağ" matçı start götürəcək. Tura aprelin 28-də "Sumqayıt" - "Neftçi" oyunu ilə yekun vurulacaq.
Bu gün Azərbaycan Premyer Liqasında XXXII turun daha iki oyunu keçiriləcək.
Sportnet.az xəbər verir ki, günün ilk matçında "Səbail" "Araz-Naxçıvan"ı qəbul edəcək.
"ASCO Arena"da baş tutacaq qarşılaşmanın baş hakimi Rəşad Əhmədov olacaq.
Muxtar Respublika təmsilçisi "dənizçilər"lə keçirilən 3 oyunda uduzmayıb. “Səbail” isə doğma meydanda son 2 matçında qələbə qazanmayıb.
Elmar Baxşıyevin rəhbərlik etdiyi kollektiv 53 xalla 3-cü, Elvin Məmmədovun isə 20 xalla sonuncudur.
Günün digər görüşündə "Sabah" "Bank Respublika Arena"da "Qarabağ"ı qəbul edəcək.
Tural Qurbanovun idarə edəcəyi matçda Ağdam təmsilçisi məğlub olmayacağı təqdirdə çempionluğunu rəsmiləşdirəcək.
“Köhlən atlar” son 9 oyunda qol vurub. Son iki matç heç-heçə bitib.
Qurban Qurbanovun komandası 76 xalla birinci, Vasili Berezutskinin kollektivi isə 39 xalla 5-cidir.
Qeyd edək ki, turun digər qarşılaşmalarında "Zirə" səfərdə "Kəpəz"i 1:0 hesabı ilə məğlub edib. "Turan Tovuz" isə "Şamaxı" ilə evdə bərabərə qalıb - 1:1.
Azərbaycan Premyer Liqası
XXXII tur
27 aprel (bazar)
17:30. “Səbail” – “Araz-Naxçıvan” - 1:1
Qollar: Marko Nikoliç, 76 - Ülvi İsgəndərov, 30
Hakimlər: Rəşad Əhmədov, Eyyub İbrahimov, Rahil Ramazanov, Elvin Bayramov
VAR: İnqilab Məmmədov
AVAR: Namiq Hüseynov
Hakim-inspektor: Ramil Diniyev
AFFA nümayəndəsi: Elman Musayev
“ASCO Arena”
20:00. “Sabah” – “Qarabağ”
Hakimlər: Tural Qurbanov, Asiman Əzizli, Rəhman İmami, Əli Əliyev
VAR: Elçin Məsiyev
AVAR: Pərvin Talıbov
Hakim-inspektor: Ömər Paşayev
AFFA nümayəndəsi: Zümrüd Ağayeva
“Bank Respublika Arena”.
