UEFA Avropa Liqasının I təsnifat mərhələsinin "Dinamo” (Tiflis, Gürcüstan) ilə cavab oyununa hazırlaşan "Qəbələ” məşqlərini davam etdirir. Sportnet.az-ın klubun rəsmi saytına istinadən məlumatına görə, iyulun 2-də Gürcüstanda keçirilən ilk qarşılaşmadan sonra iki günlük istirahətə buraxılan "qırmızı-qaralar” ayın 5-dən hazırlıqlarını bərpa edib.
Qəbələ şəhər stadionunda gündə bir dəfə məşq keçən komanda əvəzedici heyətlə yoxlama oyununda da gücünü sınayıb. Roman Qriqorçukun yetirmələri sabah oyunöncəsi son məşqinə çıxacaq.
İyulun 9-da baş tutacaq cavab qarşılaşmasından bir gün əvvəl "Dinamo” da Qəbələ şəhər stadionunda hazırlıq keçəcək. Tiflis təmsilçisi ilə görüş "Qəbələ"nin mövsümdə 2-ci rəsmi matçı olacaq. Doğma stadionda yeni mövsümün ilk oyununa çıxacaq "qırmızı-qaralar” ötən il debüt etdiyi avrokuboklarda 4-cu qarşılaşmasını keçirəcək.
Qəbələdə baş tutacaq 2-ci avrokubok oyununda komandamızı yalnız qələbə qane edir. Ötən həftə Tiflisdəki Boris Payçadze adına "Dinamo Arena”da 1:2 hesabı ilə uduzan "Qəbələ” mərhələ adlamaq üçün qol buraxmadan istənilən hesabla qalib gəlməli, qapısına qol görsə, 2 və ya daha çox top fərqi ilə qələbə qazanmalıdır.
Matç Qriqorçukun "Qəbələ”nin baş məşqçisi postunda 20-ci oyunu olacaq. Bunadək o, 16 çempionat, 2 kubok və 1 avrokubok matçında komandanın "sükanı arxası”nda olub. Görüşü fransalı hakimlər briqadası idarə edəcək. Baş hakim funksiyasını Bordo Universitetinin bədən tərbiyəsi müəllimi, 2015-ci ildən FİFA referisi olan 38 yaşlı Amori Deleru yerinə yetirəcək.
Qəbələ şəhər stadionunda gündə bir dəfə məşq keçən komanda əvəzedici heyətlə yoxlama oyununda da gücünü sınayıb. Roman Qriqorçukun yetirmələri sabah oyunöncəsi son məşqinə çıxacaq.
İyulun 9-da baş tutacaq cavab qarşılaşmasından bir gün əvvəl "Dinamo” da Qəbələ şəhər stadionunda hazırlıq keçəcək. Tiflis təmsilçisi ilə görüş "Qəbələ"nin mövsümdə 2-ci rəsmi matçı olacaq. Doğma stadionda yeni mövsümün ilk oyununa çıxacaq "qırmızı-qaralar” ötən il debüt etdiyi avrokuboklarda 4-cu qarşılaşmasını keçirəcək.
Qəbələdə baş tutacaq 2-ci avrokubok oyununda komandamızı yalnız qələbə qane edir. Ötən həftə Tiflisdəki Boris Payçadze adına "Dinamo Arena”da 1:2 hesabı ilə uduzan "Qəbələ” mərhələ adlamaq üçün qol buraxmadan istənilən hesabla qalib gəlməli, qapısına qol görsə, 2 və ya daha çox top fərqi ilə qələbə qazanmalıdır.
Matç Qriqorçukun "Qəbələ”nin baş məşqçisi postunda 20-ci oyunu olacaq. Bunadək o, 16 çempionat, 2 kubok və 1 avrokubok matçında komandanın "sükanı arxası”nda olub. Görüşü fransalı hakimlər briqadası idarə edəcək. Baş hakim funksiyasını Bordo Universitetinin bədən tərbiyəsi müəllimi, 2015-ci ildən FİFA referisi olan 38 yaşlı Amori Deleru yerinə yetirəcək.
UEFA Avropa Liqası, I təsnifat mərhələsi
Cavab oyunu, 9 iyul
21:00. "Qəbələ” - "Dinamo” (Tiflis, Gürcüstan)
İlk oyun – 1:2
Baş hakim: Amori Deleru (Fransa)
Baş hakimin köməkçiləri: Loran Stien, Mişel Ammonye (hər ikisi Fransa)
Ehtiyat hakim: Sebastyan Moreyra (Fransa)
UEFA nümayəndəsi: Leonid Kaloşin (Rusiya)
Hakim-inspektor: Peter Cons (İngiltərə)
Qəbələ. Şəhər stadionu
