UEFA "Qarabağ"ın Çempionlar Liqasının Liqa mərhələsində keçirəcəyi oyunların stadionlarını açıqlayıb.
Sportnet.az xəbər verir ki, Azərbaycan təmsilçisi bütün rəqiblərini Tofiq Bəhramov adına Respublika stadionunda qəbul edəcək.
Beləliklə, mərkəzi arena ilk dəfə Çempionlar Liqasının əsas mərhələsinə ev sahibliyi edəcək. 2017/2018 mövsümündə də "Qarabağ" Avropanın ən nüfuzlu klub turnirinin qrup mərhələsinə vəsiqə qazanıb. Lakin həmin vaxt qrup oyunları Bakı Olimpiya Stadionunda keçirilib.
Ağdam komandası 31 200 tamaşaçı tutumuna malik stadionda oktybarın 1-də Danimarkanın "Kopenhagen", noyabrın 5-də İngiltərənin "Çelsi", dekabrın 10-da Niderlandın "Ayaks" və 2026-cı il yanvarın 21-də Almaniyanın "Ayntraxt Frankfurt" kollektivlərini qəbul edəcək.
Səfər oyunları isə daha iritutumlu stadionlarda olacaq:
16 sentyabr
"Benfika (Portuqaliya) - "Qarabağ"
Lissabon, "Estadio do SL Benfika"
Tutumu: 68 100 tamaşaçı
22 oktyabr
III tur
"Atletik Bilbao" (İspaniya) - "Qarabağ"
Bilbao, "Estadio de San Mames"
Tutumu: 53 331 tamaşaçı
25 noyabr
V tur
"Napoli" (İtaliya) - "Qarabağ"
Napoli, "Stadio Dieqo Armando Maradona"
Tutumu: 54 726 tamaşaçı
28 yanvar, 2026-cı il
VIII tur
"Liverpul" (İngiltərə) - "Qarabağ"
Liverpul, "Enfild" stadionu
61 276 tamaşaçı
