Bu gün 2026-cı il dünya çempionatının seçmə qrup mərhələsində sonuncu tura start veriləcək.
Sportnet.az xəbər verir ki, turun ilk oyun günündə 4 qrupda 8 görüş keçiriləcək.
Qruplardan ikisində Fransa və İngiltərə yığmaları ilk pillənin sahibləri kimi DÇ-2026-ya birbaşa vəsiqəyə yiyələniblər.
D qrupunda Fransa Bakıda Azərbaycan millisinin qonağı olacaq. Qrupun digər qarşılaşmasında isə Ukrayna - İslandiya matçı pley-offa vəsiqə verən ikinci yerin taleyinə aydınlıq gətirəcək. Ukrayna Polşada qəbul edəcəyi İslandiya ilə eyni xala malik olsa da, topların nisbətində geri qalır. Bu səbəbdən, Sergey Rebrovun baş məşqçi olduğu kollektivə yalnız qələbə lazımdır.
F qrupunda Portuqaliya kapitanı Kriştianu Ronaldunun cəza üzündən oynamayacağı matçda Ermənistanı qəbul edəcək. Portuqaliya xal itirsə, qrupun digər oyununda Macarıstan İrlandiya üzərində 2 top fərqi ilə qələbə sayəsində birinci pilləyə yüksələrək, DÇ-2026-ya vəsiqə əldə edə bilər.
I qrupunda İtaliya - Norveç matçı diqqət mərkəzində olacaq. Meydan sahiblərinə 9 top fərqi ilə qələbə lazımdır ki, birinci pilləni ələ keçirsin. Əks halda, skandinaviyalılar DÇ-2026-ya vəsiqəni rəsmiləşdirəcək.
K qrupunda isə Albaniya - İngiltərə və Serbiya - Latviya görüşləri formal xarakter daşıyacaq. Çünki İngiltərə qrup qalibi kimi DÇ-2026-ya, Albaniya isə ikinci pillənin sahibi olaraq, pley-offa vəsiqəni ötən tur təmin edib.
DÇ-2026, seçmə mərhələ
16 noyabr
D qrupu
21:00. Azərbaycan - Fransa
21:00. Ukrayna - İslandiya
Xal durumu: Fransa - 13, İslandiya - 7, Ukrayna - 7, Azərbaycan - 1
F qrupu
18:00. Macarıstan - İrlandiya
18:00. Portuqaliya - Ermənistan
Xal durumu: Portuqaliya - 10, Macarıstan - 8, İrlandiya - 7, Ermənistan - 3
I qrupu
23:45. İtaliya - Norveç
23:45. İsrail - Moldova
Xal durumu: Norveç - 21 xal (7 oyuna), İtaliya - 18 (7), İsrail - 9 (7), Estoniya - 4 (8), Moldova - 1 (7)
K qrupu
21:00. Albaniya - İngiltərə
21:00. Serbiya - Latviya
Xal durumu: İngiltərə - 21 xal (7 oyuna), Albaniya - 14, Serbiya - 10 (7), Latviya - 5 (7), Andorra - 1 (8)
