Bu gün Bizon Azərbaycan Kubokunda 1/8 final mərhələsinin son 3 görüşü keçiriləcək.
Sportnet.az-ın məlumatına görə, qarşılaşmalardan 2-si I Liqa komandalarının iştirakı ilə gerçəkləşəcək.
Aşağı liqanın lideri "Şəfa" "Qəbələ"nin qonağı olacaq. "Difai" "Sumqayıt"ı rəqibinin ev oyunlarını keçirdiyi Mehdi Hüseynzadə adına Sumqayıt şəhər stadionunda nominal meydan sahibi kimi qəbul edəcək.
Nəhayət, "Araz-Naxçıvan" "Kəpəz"i sınağa çəkəcək. Bu komandalar ikinci dəfə üz-üzə gələcəklər. 2001/2002 mövsümündə komandalar arasındakı 1/8 final mərhələsinin iki matçından yalnız biri baş tutub və qolsuz yekunlaşıb. Cavab görüşündə isə Gəncə təmsilçisinin xeyrinə texniki qələbə qeydə alınıb. Texniki nəticə top fərqində nəzərə alınmayıb.
Azərbaycan Kuboku, 1/8 final
4 dekabr (cümə axşamı)
15:00. “Qəbələ” – “Şəfa”
Hakimlər: Əli Əliyev, Teymur Teymurov, Gülnurə Əkbərzadə, Kamran Əliyev
Hakim-inspektor: Ceyhun Haşımov
AFFA nümayəndəsi: Nəriman Axundov
Qəbələ şəhər stadionu
19:00. “Difai” – “Sumqayıt”
Hakimlər: Nicat İsmayıllı, Pərvin Talıbov, Zöhrab Abbasov, Vüqar Həsənli
Hakim-inspektor: Anar Salmanov
AFFA nümayəndəsi: Asif Əliyev
Mehdi Hüseynzadə adına Sumqayıt şəhər stadionu
19:00. “Araz-Naxçıvan” – “Kəpəz”
Hakimlər: Cavid Cəlilov, Kamran Bayramov, Müslüm Əliyev, İslam Məmmədov
VAR: Elçin Məsiyev
AVAR: Kamranbəy Rəhimov
Hakim-inspektor: Asim Xudiyev
AFFA nümayəndəsi: Yavər Rəhimov
“Liv Bona Dea Arena”
Qeyd edək ki, "Araz-Naxçıvan" - "Kəpəz" görüşünün qalibi 1/4 finalda "Turan Tovuz"la, "Qəbələ" - "Şəfa" matçından üstün ayrılan komanda "Sabah"la, "Difai" - "Sumqayıt" qarşılaşmasının güclüsü "Zirə" ilə qarşılaşacaq. Növbəti mərhələnin daha bir oyunu isə "Şamaxı" və "Qarabağ" arasında olacaq. Yarımfinala vəsiqə uğrunda ilk mücadilələr 2026-cı ilin 3-4 fevralında gerçəkləşəcək. Cavab görüşləri isə 3-4 martda baş tutacaq.
