Andrey Demçenko “Araz-Naxçıvan”ın baş məşqçisi təyin olunub.
Sportnet.az klubun rəsmi saytına istinadən xəbər verir ki, ukraynalı mütəxəssislə anlaşma “5 ay+1 il” müddətini əhatə edir.
Məşqçilik fəaliyyətinə 2011-ci ildə başlayan Demçenko vətənində “İmeks”, “Metallurq” (Zaporoje), “Veres”, “Lvov”, “Metallist 1925”, “Bukovina” klublarını çalışdırıb. O, müxtəlif illərdə Özbəkistanın “Obod”, həmçinin Gürcüstanın “Dila” və “Dinamo” (Batumi) komandalarına rəhbərlik edib.
50 yaşlı mütəxəssis Bakıya gələnə qədər Qazaxıstan “Jenis”inin baş məşqçisi olub. Ukraynalı baş məşqçinin köməkçiləri barədə əlavə əlavə məlumat veriləcək.
