Avro-2016-nın seçmə qrup mərhələsinin Malta - Azərbaycan matçından öncə hər iki komandanın açıq məşqi və mətbuat konfransı keçiriləcək. Sportnet.az-ın məlumatına görə, bu gün Bakı vaxtı ilə saat 19:30-da meydan sahiblərinin baş məşqçisi Pietro Gedin media önünə çıxacaq.
Bundan yarım saat sonra ilk 15 dəqiqəsi mətbuat üçün açıq məşq olacaq. Saat 20:30-da isə millimizin baş məşqçisi Robert Prosineçki jurnalistlərin suallarını cavablandırmağa başlayacaq. Saat 21:00-da isə ilk 15 dəqiqəsi mətbuat üçün açıq məşq təşkil ediləcək. Hər iki mətbuat konfransı və açıq məşq Ta Qali Milli Stadionunda keçiriləcək.
Qeyd edək ki, sentyabrın 6-da eyni arenada təşkil olunacaq Malta - Azərbaycan matçı saat 21:00-da başlanacaq.
