Azərbaycanın 21 yaşadək futbolçulardan ibarət yığma komandasının baş məşqçisi Yaşar Vahabzadə Avropa çempionatının seçmə qrup matçında Almaniya millisinə 0:3 hesablı məğlubiyyəti şərh edib. Sportnet.az-ın məlumatına görə, Vahabzadə Almaniya yığmasını nəinki Avropanın, dünyanın ən güclü komandalarından biri adlandırıb.
Onun fikrincə, Bundestimin bütün yaş qrupları üzrə yığmaları, demək olar ki, eyni sistem əsasında hazırlaşır və oynayır. Baş məşqçi komandasının bacardığımı qədər mübarizə apardığını, top saxladığını, amma oyunun sonunda futbolçuların yorulması və konsentrasiyanı itirməsinin hesabda əksini tapdığını açıqlayıb.
Qeyd edək ki, Almaniya millisi Bakıdan 3:0 hesablı qələbə ilə ayrılıb.
