"İlk növbədə, "Kəpəz”ə uğurlar arzu edirəm. Həqiqətən də tərifəlayiq futbol oynadılar". Sportnet.az-ın məlumatına görə, bunu "Qarabağ"ın baş məşqçisi Qurban Qurbanov 3:2 hesablı qələbə qazandıqları Azərbaycan Premyer Liqasının V tur qarşılaşmasından sonra deyib.
43 yaşlı mütəxəssisin fikrincə, "Kəpəz" gələcəkdə daha yaxşı nəticələr əldə edəcək: "Şahin Diniyevə uğurlar diləyirəm. Mənim Gəncə şəhərinə başqa cür sevgim var. Bu qədim şəhər həmişə maraqlı hadisələrlə yadda qalıb. Şadam ki, Gəncədə yenə futbol var. Azarkeşlər həm məni, həm də komandamı çox yaxşı qarşıladılar. Hesab edirəm ki, "Kəpəz” Avropa Liqasında oynamağa qadir komandadır".
Öz komandasına gəldikdə, Qurbanov hər bir oyunçuya təşəkkür edib: "Ağır səfərdən sonra qayıdıb, qələbə qazandıq. Bir araya gəlib, oyuna ciddi yanaşdıq və uğurlu nəticə əldə etdik”.
