"Bilirdik ki, çox çətin olacaq. Hər bir komanda bizə qarşı tam ciddi hazırlaşır". Sportnet.az-ın məlumatına görə, bunu "Zirə"nin baş məşqçisi Adil Şükürov "Qarabağ"a 1:4 hesabı ilə uduzduqları Azərbaycan Premyer Liqasının VIII tur matçından sonra deyib.
Futbolçularından razı qaldığını deyən gənc mütəxəssis onların hesabı bərabərləşdirmək üçün əllərindən gələni etdiklərini bildirib: "Qarabağ”la oyunda xal qazanmaq istəyirdik. Əsas məqsəd isə oyun üslubumuzu saxlamaq idi. "Qarabağ” bu gün bizə qarşı eyni sürətdə, eyni tempdə oynadı. Sadəcə, ikinci hissədə biz oyunu öz xeyrimizə dəyişməyə çalışdıq”.
