"Oyun hər bir komandanın çətin və təhlükəli rəqib olduğunu bir daha göstərdi. Odur ki, götürülən xallar böyük addımdır. Bütün bunları futbolçular dərk etməli və hər oyunda maksimum mübarizə aparmalıdırlar". Sportnet.az-ın məlumatına görə, bunu "Qarabağ"ın baş məşqçisi Qurban Qurbanov AZAL-ı 2:0 hesabı ilə yendikləri Azərbaycan Premyer Liqasının XI tur matçından sonra deyib.
43 yaşlı mütəxəssis AZAL-ın rahat futbol oynamağa imkan vermədiyini bildirib. O, soyuq "Qarabağ"ı dəstəkləməyə gələn azarkeşləri və ilk qolunu vuran Raydell Puponu təbrik edib: "İnşallah, bundan sonra da hər oyun qol vurar. Bunun çətin olduğunu bilirik. Lakin çox çalışan Pupon bunu haqq edir”.
