"Çətin bir oyunda qələbə qazandıq. Buna görə çox şadam". Sportnet.az-ın məlumatına görə, bu sözləri "Xəzər Lənkəran"la oyundan sonra keçirilən mətbuat konfransında "Zirə"nin baş məşqçisi Adil Şükürov deyib.
O, Premyer Liqanın XIV turunda əldə olunan 1:0 hesablı qalibiyyəti belə şərh edib: "Futbolda daim qələbə qazanılması mümkün deyil. "Rəvan"a məğlubiyyətdən sonra bilirdik ki, çətin bir görüşə çıxırıq. Sevinirəm ki, psixoloji gərginliyi aradan qaldırıb, qələbə qazandıq".
