Dünya çempionatının seçmə mərhələsinə hazırlıq məqsədilə Bakıda təlim-məşq toplanışında olan futzal üzrə Azərbaycan milli komandası yoxlama oyunu keçirib. Sportnet.az-ın məlumatına görə, ölkə çempionatında çıxış edən klubların üzvlərindən ibarət yığma komanda ilə qarşılan milli 10:1 hesabı ilə qələbə qazanıb.
Oyunda Edu, Auqusto və Rafael dubl edib. Vitali Borisov, Amadeu, Andre de Campos və Ramiz Çovdarov isə hərəyə bir dəfə fərqlənib.
