"Komandaları çətin və prinsipial oyun gözləyir. Bizim itkilərimiz də var". Sportnet.az-ın məlumatına görə, bunu klub saytına açıqlamasında "Kəpəz"in baş məşqçisi Şahin Diniyev deyib.
Azərbaycan Premyer Liqasının XV turunda səfərdə "Sumqayıt"la keçiriləcək oyun haqda danışan mütəxəssis Rəşad Eyyubovun cəza, Tural Nərimanovla Dario Frederikonun isə zədə səbəbindən komandaya kömək edə bilməyəcəklərini bildirib: "Onların yoxluğu bizə problemlər yaradacaq. Ancaq bunlar səbəb olmamalıdı. Meydana çıxıb mübarizə aparmalıyıq. "Sumqayıt” sürətli futbol oynayan komandalardan biridir. Onlara qarşı oynamaq həmişə çox çətin olub. Cari mövsümdə iddialılardan xal alıblar. "Qarabağ”ı udublar, "Qəbələ” ilə heç-heçə oynayıblar. Bir sözlə, çətin rəqibdirlər”.
Qeyd edək ki, "Kapital Bank Arena"da keçiriləcək "Sumqay" - "Kəpəz" oyunu saat 17:00-da başlayacaq.
