İngiltərə millisinin sabiq futbolçusu Qari Lineker ölkə çempionatı ilə bağlı maraqlı açıqlama verib. Sportnet.az-ın məlumatına görə, hazırda BBC-də yayımlanan "Match of the Day" verilişində ekspert olan Lineker "Lester" klubunun ölkə çempionu olacağı təqdirdə efirə alt paltarı ilə çıxacağını deyib.
O, bildirib ki, belə olacağı təqdirdə verilişin yeni mövsümdəki ilk buraxışında tək alt paltarı ilə iştirak edəcək.
Qeyd edək ki, "Lester" hazırda Premyer Liqada birinci pillədə qərarlaşıb. Aktivində 35 xal olan komanda ən yaxın qonşusu "Arsenal"ı 2 xal qabaqlayır.
