Azərbaycan Premyer Liqasının XVII turunda "Xəzər Lənkəran"ın qonağı olacaq "Kəpəz" məşqlərini davam etdirir. Sportnet.az-ın məlumatına görə, Gəncə təmsilçisinin heyətində Ceyhun Cavadov hazırlıq prosesində iştirak edə bilmir.
Gənc yarımmüdafiəçidən fərqli, Şəhriyar Əliyev və Budaq Nəsirovun durumu yaxşıdır. Fərdi çalışan hər iki futbolçu artıq komanda ilə birgə məşqlərə qoşulub. Onların "Xəzər Lənkəran"a qarşı matçda oynayıb-oynamayacağı oyun günü məlum olacaq.
Qeyd edək ki, bir müddət zədəli olan Şəhriyar Əliyev ötən tur "Rəvan”la oyunda "sarı-göylər”ə kömək edə bilməyib.
