"Qəbələ"nin heyətə yeni cəlb etdiyi Pavol Farkaş Slovakiyaya qayıdıb. Sportnet.az-ın əldə etdiyi məlumata görə, futbolçu vergi ödənişlərinin dondurulması üçün Vətəninə dönüb.
"Qəbələ" sabah Avroliqanın I təsnifat mərhələsində "Şiroki Briyeq"lə cavab oyunu üçün Bosniya və Herseqovinaya yola düşəcək. Oyunöncəsi bir məşq olduğundan, Farkaşın adı gedənləri siyahısına daxil edilməyib. Bu müddət ərzində 26 yaşlı futbolçu Slovakiyadakı işlərini həll edəcək.
Qeyd edək ki, Pavol Farkaş "Qəbələ" ilə 1 illik müqavilə imzalayıb.
