Beynəlxalq Futbol Tarixi və Statistikaları Federasiyası dünya klublarının yeni reytinq cədvəli açıqlayıb. Sportnet.az-ın məlumatına görə, Azərbaycanın 3 klubu siyahıya daxil edilib.
Ardıcıl ikinci il Avropa Liqasının qrup mərhələsində çıxış edən "Qarabağ"ın aktivində 142 xal var. Ağdam təmsilçisi 77-ci pillədə qərarlaşıb. Ölkənin avrokuboklardakı digər təmsilçisi "Qəbələ" 116 xalla siyanın 124-cü pilləsində yer alıb. Bakının "İnter" klubu isə 192-ci pillədə dayanıb. "Bankirlər"in aktivinə 92 xal yazılıb.
Bu göstərici ilə "Qarabağ" Türkiyənin "Qalatasaray", İspaniyanın "Valensiya", İtaliyanın "İnter" kimi klublarını geridə qoyub. "Qəbələ" "Apollon", "Panatinaikos", "Everton" kimi klubların önünə keçib. "Bankirlər" isə "Qroningen", "Lester Siti" ilə yanaşı Ekvador "Barselona"sını da qabaqlayıb.
Siyahıya 379 xalla İspaniya "Barselona"sı başçılıq edir. İtaliyanın "Yuventus" klubu 286 xalla ikinci, "Napoli" isə 268 xalla üçüncüdür.
