"Sumqayıt”ın baş məşqçisi Samir Abasov Türkiyənin Antalya bölgəsindəki təlim-məşq toplanışı çərçivəsində Qazaxıstan "Akjayık"ı ilə keçirdikləri yoxlama matçı barədə fikirlərini bölüşüb. Sportnet.az-ın məlumatına görə, gənc mütəxəssis klubun mətbuat xidmətinə açıqlamasında komandasından razı qaldığını bildirib.
O, meydana 2 heyət buraxdığını söyləyib: "Artıq 2 gündür Antalyada təlim-məşq toplanışını davam etdiririk. Plan üzrə bu gün ilk yoxlama oyununa çıxdıq. "Akjayık”la oyunda iki heyətlə çıxış etdik. Sadəcə olaraq, oyun praktikası sarıdan korluq çəkən bir neçə nəfəri çox oynatdım. Oyuna gəldikdə, uşaqlardan razı qaldım. Həvəslə çıxış edib istəklərini ortaya qoydular və qələbə qazandılar”.
Qeyd edək ki, 1:0 hesabı ilə qalib gələn "Sumqayıt"ın qolunu 78-ci dəqiqədə penaltidən Pərdis Fərcad-Azad vurub.
