Yevlax toplanışından sonra iki günlük istirahətə buraxılan "Kəpəz" məşqləri bərpa edib. Sportnet.az-ın məlumatına görə, komanda Bakıda hazırlıq keçir.
Gündə bir dəfə məşqə çıxan "sarı-göylər" Mərdəkan qəsəbəsindəki "Dalğa Arena"da hazırlaşır. Məşqçilər korpusu paytaxtda texniki və taktiki çalışmalara diqqət ayıracaq.
Qeyd edək ki, komanda Bakıda iki yoxlama oyunu keçirəcək. Nizami yurdunun təmsilçisi yanvarın 23-də "Neftçi", ayın 26-da isə "Ağsu" ilə qarşılaşacaq.
