"Sumqayıt" klubu müdafiəçi Rasim Ramaldanovla 6 aylıq müqavilə imzalayıb. Sportnet.az-ın "Report"a istinadən məlumatına görə, bu barədə klubun baş meneceri Ceyhun Sultanov açıqlama verib.
Onun sözlərinə görə, 30 yaşlı müdafiəçi mövsüm sonunadək özünü yaxşı tərəfdən göstərsə, müddət artırıla bilər. C.Sultanov bununla da "Sumqayıt"ın qış transferlərini yekunlaşdırdığını deyib.
Qeyd edək ki, Rasim Ramaldanov 2008-2013-cü illərdə "Simurq"da, 2013-2015-ci illərdə "Xəzər Lənkəran"da çıxış edib. 30 yaşlı müdafiəçi milli komandada 17 oyun keçirib.
