Serbiyanın paytaxtı Belqradda keçirilən futzal üzrə Avropa çempionatında möhtəşəm qol vurulub. Sportnet.az-ın məlumatına görə, bu qol A qrupunda yer alan Portuqaliya və Serbiya milliləri arasındakı görüşdə qeydə alınıb.
Portuqaliyalı futbolçu Rikardinyo rəqib futbolçunun üzərində topu ustalıqla aşıraraq, gözəl zərbə ilə tora göndərib. Bu qoldan sonra bərabərlik yaransa da, meydan sahibləri sonradan daha 2 qol vuraraq, 3:1 hesablı qələbəyə nail olub və qrup lideri kimi 1/4 finala yüksəlib. Portuqaliya isə bu hüquqa qrup ikincisi kimi yiyələnib.
