Türkiyənin "Sivasspor" klubu yeni baş məşqçi ilə anlaşıb. Sportnet.az-ın məlumatına görə, komanda Mesut Bakkalın rəhbərliyi altında çalışacaq.
51 yaşlı mütəxəssislə bu gün müqavilə imzalanacaq. Mərasimin ardından Bakkal komanda ilə ilk məşqinə çıxacaq.
Mesut Bakkal bu komandaya ikinci dəfə baş məşqçi kimi gəlir. O, 2009/2010 mövsümünün XXVII turundan 2010/2011 mövsümünün IX turuna qədər "Sivasspor"da çalışıb.
Qeyd edək ki, Super Liqada çıxış edən "Sivasspor" XX turdan sonra 14 xalla 16-cı pillədə qərarlaşıb. Çempionatın reqlamentinə əsasən 16, 17 və 18-ci pillələrin sahibləri növbəti mövsümü 1-ci liqada keçirəcəklər.
